Concernant dire ameen fort ou bien doucement, principalement nou ena deux qualités hadice. Ene rapporté par شعبة (Shou’bah) et l’autre par سفيان الثورى (Soufyaan At-Thawri).
D’après ceki شعبة fine rapporté, Rassouloullah r ti pé faire ameen doucement. Et d’après version سفيان الثورى, Rassouloullah r ti pé faire ameen à haute voix.
La version de شعبة
شعبة عن سلمة بن كهيل عن حجر ابى العنبس عن علقمة او عن وائل بن حجر قال صليت مع رسول الله r فسمعته حين قال غير المغضوب عليهم ولا الضالين قال آمين واخفى بها صوته ... (سنن الدارقطنى)
Sou’bah fine rapporté de Salamah Bin Kouhail de Hujr Abul Ambasse de Alqamah ou bien de Wa-il Bin Hujr ki fine dire : Mo fine faire namaz avec Rassouloullah r. Quand li fine dire غير المغضوب عليهم ولا الضالين mo fine tanne li dire آمين et li fine baisse so la voix (quand li fine dire ça). (Sounan Darqutni)
Commentaire lors version de شعبة
Imam Tirmizi dire ki selon Imam Boukhari (rahmatoullahi ‘alayh), Shou’bah fine faire banne erreurs suivants dans rapporte ça hadice-là :
1.Li fine dire حجر ابو العنبس (Hujr Abul Ambasse). Mais en réalité li حجر ابو السكن (Hujr Abus-Sakan).
2.Li fine insère علقمة (Alqamah) entre حجر (Hujr) et وائل (Wa-il) mais en réalité pas ti bizin ena علقمة.
3.Li fine dire "خفض بها صوته" (li fine baisse so la voix) (dans dire ameen) mais en réalité li ti bizin "ومد بها صوته".
Apart ça ena encore deux objections ki fine soulevé contre la version de شعبة :
1.Ene nommé ابو الوليد fine rapporte avec شعبة la même version ki سفيان fine rapporté.
2.Ça hadice-là li ene hadice منقطع parceki علقمة pas fine tanne avec so papa Wa-il.
Laisse nou analyse banne points ki fine soulevé contre la version de Shou’bah ene par ene :-
Premier point :
Shou’bah fine dire حجر ابو العنبس quand tandis ki li حجر ابو السكن.
Réponse : ابو السكن c’est كنية (Kunyah) de حجر et so papa appelle العنبس. Donc appelle li حجر بن العنبس.
كنية c’est la façon appelle kikene par nom so zenfant couma papa un tel. Par exemple si le nommé Ibrahim ena ene zenfant ki appelle اسماعيل, alors capave appelle li ابو اسماعيل. C'est-à-dire papa Ismaël. Ça genre de nom-là appelle كنية. Li bon conné ça façon appelle ene dimoune, capave faire li, même si li perna zenfant aussi. Donc حجر li capave ena deux كنية au lieu ene seul. Ça veut dire le nommé حجر couma li ena le كنية "ابو السكن" (Abus-Sakan), li capave ena ene l’autre كنية "ابو العنبس" aussi. Et effectivement Ibn Hibbaan fine faire ressortir avec précision dans so كتاب الثقات (Kitaab-uth-Thiqaat) :
"حجر بن عنبس الكوفى وهو الذى يقال حجر ابو العنبس ..."
“Hujr Bin Ambasse Al-Koufi et c’est li même ki appelle Hujr Aboul Ambas …”
La thèse ki c’est necque Shou’bah ki fine appelle Hujr couma Hujr Aboul Ambasse li pas correct parceki selon la version de ça hadice-là ki trouve dans Abou Dawood, محمد بن كثير (Mouhammad Bin Katheer) fine rapporté de سفيان (Soufyaan) ki li aussi li fine appelle Hujr couma Hujr Aboul Ambasse. Coumsa même selon la version dans Darqutni, وكيع et المحاربى fine rapporté de سفيان cote li dire :
"عن حجر ابى العنبس وهو ابن عنبس ..."
“Rapporté de Hujr Aboul Ambasse et li appelle Ibn Ambasse aussi …”
Donc d’après témoignage trois Rawi (narrateurs) dans le sanad de سفيان (Soufyaan) aussi, fine appelle Hujr par Hujr Aboul Ambasse. Alors ça thèse selon laquelle Shou’bah fine faire erreur dans appelle Hujr par Hujr Aboul Ambasse pas tini diboute.
Deuxième point :
“Shou’bah fine insère علقمة entre حجر et وائل ki pas correct.”
Réponse :
Ene Rawi ena la possibilité tanne ene hadice avec ene Rawi directement couma li possible ki li tanne ça avec li en passant par ene l’autre au milieu. Ici aussi li possible ki Hujr Bin Ambasse fine tanne ça directement avec Wa-il couma li capave fine tanne ça avec li à travers Alqamah aussi. Ça possibilité-là li confirmé par la version de ça hadice-là ki trouve dans Mousnad Ahmad selon laquelle حجر dire :
"سمعت علقمة بن وائل يحدث عن وائل وسمعت من وائل ..."
“Mo fine tanne علقمة rapporté de Wa-il et mo aussi mo fine tanne ça avec وائل …”
Ça montré ki حجر fine tanne ça avec وائل directement et li fine tanne ça avec وائل indirectement aussi à travers علقمة. La même chose fine mentionné dans le Sounan de Mouslim Al-Kaji, Sounan Al-Baihaqui, et le Mousnad de Abou Dawood At-Tayaalisi. Donc nou ena témoignage de quatre livres de hadice ki confirmé ki حجر fine tanne ça hadice-là directement avec Wa-il couma li fine tanne ça avec Wa-il indirectement aussi à travers علقمة. Donc ça prouvé ki présence علقمة dans ça sanad-là, li tout à fait normal et correcte. Alors li pas correcte pou dire ki Shou’bah fine faire erreur dans mentionne علقمة entre حجر et وائل dans ça sanad-là.
Troisième point :
شعبة fine dire واخفى بها صوته . (Et) li fine cachiette (baisse) so la voix dans dire ça (ameen).
Explication :
Ça troisième point-là li basé lors supposition ki Shou’bah fine faire erreur dans rapporte ça hadice-là. Etant donné ki les deux points ki ti soulevé auparavant pou démontré ki Shou’bah fine faire erreur dans rapporte ça hadice-là, zotte pas banne points ki fondé couma nou fine trouvé dans explication ki fine donné, alors ça troisième point-là li tombé automatiquement, parceki na perna aukene preuve ki soutenir ça thèse-là. Forcé-forcé nou capave dire ki ena divergence entre شعبة et سفيان dans rapporte ça hadice-là. شعبة et سفيان tous les deux, zotte banne grand savants de hadice. Ena fine considère سفيان pli fort ki شعبة couma ena fine considère شعبة pli fort ki سفيان. Etant donné ki tous les deux hadices, zotte banne hadices authentique de par zotte sanad, li difficile pou donne ene priorité lors so camarade. Pou ça, bizin cherche banne éléments apart.
Ene de banne éléments ki fine avancé en faveur la version de سفيان ki li appuyé et secondé par deux l’autre Rawi nommé العلاء بن صالح (Al-‘Ala Bin Swalih) et محمد بن سلمة (Mouhammad Bin Salamah). Dans ene certaine sens, ça li joué dans faveur la version de Soufyaan. Mais العلاء بن صالح et محمد بن سلمة zotte banne Rawi bien faible d’après banne savants de hadice. Donc ça pas capave servi li pou donne la version de Soufyaan préférence.
Ena ene l’autre objection ki fine soulevé selon laquelle شعبة fine rapporté ki Rasouloullah r ti faire آمين fort pareil couma سفيان fine rapporté.
Alors bizin conné ki le hadice concernant آمين, ena cinq Rawi ki fine rapporte ça avec شعبة:
1. ابو الوليد - Abul Waleed
2. ابو داؤد الطيالسى - Abou Dawood At-Tayaalisi
3. محمد بن جعفر - Mouhammad Bin Ja’far
4. يزيد بن زريع - Yazeed Bin Zourei’
5. عمرو بن مرزوق - Amr Bin Marzouq
C’est necque ابو الوليد ki fine rapporte ça avec li pareil couma version de سفيان. Quant à ça 4 lezot-là, zotte fine rapporte آمين doucement. Alors ceki ابو الوليد fine rapporté, li ene version isolée ki nou appelle li شاذ dans langage et domaine de hadice. Ene version شاذ normalement pas capave considère li. Donc ça thèse-là aussi pas diboute. Et pas capave servi li en faveur la version de Soufyaan.
Ena ene deuxième objection selon laquelle علقمة pas fine tanne ça hadice-la avec so papa وائل. Donc selon ça thèse-là, ça hadice-là li ene hadice منقطع. Mais c’est ene objection ki paraite vraiment drôle parceki selon ene hadice ki fine rapporté dans جزء رفع اليدين de Imam Boukhari, قيس بن سليم العنبرى (Qais Bin Soulaim Al-Ambari) dire :
"سمعت علقمة بن وائل بن حجر حدثنى ابى ..."
“Mo fine tanne Alqamah Bin Wa-il Bin Hujr dire ki mo papa (Wa-il) fine rapporte moi ...”.
Coumsa même ça fine rapporté dans Sounan Niçaaï dans chapitre رفع اليدين عند الرفع من الركوع. Imam Mouslim aussi fine amene ene hadice, cote ena la précision ki علقمة fine tendé avec so papa Wa-il.
Imam Tirmizi dire dans "كتاب الحدود":
"علقمة بن وائل بن حجر سمع من ابيه وهو اكبر من عبد الجبار بن وائل وعبد الجبار بن وائل لم يسمع من ابيه ..."
“Alqamah Bin Wa-il Bin Hujr fine tendé avec so papa (Wa-il) et li pli grand ki Abdul Jabbaar Bin Wa-il. C’est Abdul Jabbaar ki pas fine tendé avec so papa ...”
Ça montré ki li ene erreur pou dire ki علقمة pas fine tendé avec so papa. Donc perna aukene problème de انقطاع (disconnection) dans sanad ça hadice ki Shou’bah fine rapporté. Avec banne explications ki fine donné, fine établir ki tout ceki fine être soulevé contre la version de Shou’bah pou disqualifié li, zotte pas tini diboute. Donc la version de Shou’bah avec la formule واخفى بها صوته ((et) li fine cachiette (baisse) so la voix dans dire ça (ameen)), li ene version authentique et correcte.
Finalement nou trouve nou devant deux différent versions de la part de deux éminents savants de hadice ki rapporté par ene seule Sahabi nommé Hazrat Wa-il Bin Hujr. Ene dire ki Rassouloullah r ti dire “Ameen” fort et l’autre dire ki Rassouloullah r ti dire “Ameen” doucement. Dans ene situation pareil, bizin guette ceki banne Sahaba-e-Kiraam fine pratiqué. En principe, la pratique de banne Sahaba-e-Kiraam ki ti en vigueur après Rassouloullah r, li ene critère bien solide pou tranche tout question dans ene tel situation. Donc le hadice ki pou corresponde et en accord avec ceki banne Sahaba-e-Kiraam fine pratiqué après Rassouloullah r pou ena priorité et préférence lors so camarade.
Eski namaz ene mouswalli, li annulé si kikene ou kit zanimau traverse divant li ? Pou tranche la question, Imam Abou Dawoud fine servi ça même principe cote li dire :
"واذا تنازع الخبران عن النبى r نظر الى ما عمل به اصحابه من بعده"
(باب من قال لا يقطع الصلاة شئ) (ابو داؤد)
“Quand ena deux hadices de Nabi r , )cotte) ene contredire l’autre, alors bizin guette ceki so banne Sahaaba (compagnons) fine pratiqué après li.”
(Chapitre concernant celui ki dire narien na pas annule namaz) (Abou Dawoud)
Ti ena ene l’opinion auparavant ki ti basé lors certaine hadice ki dire ki ene madame ou ene li chien ou bien ene bourrique quand li traverse divant ene mouswalli, alors so namaz li annulé couma ene hadice ki dire li pas annulé. Alors Imam Abou Dawoud fine tranche la question en disant ki ça pas annule namaz quand li fine trouve banne Sahaaba-é-Kiram couma Hazrat Abdullah Bin Abbaas t, Hazrat Aisha t, Hazrat Usmaan t, Hazrat Ali t, Hazrat Abdullah Bin ‘Oumar t, Hazrat Huzaifah Bin Yamaan t fine dire ki ça pas casse namaz. Coumsa même pou tranche la question concernant la viande ene zanimau ki fine la chasse, eski li permette pou ene dimoune en état Ihram, mangé ou bien non, Imam Abou Dawood fine servi le même principe :
"اذا تنازع الخبران عن النبى صلى الله عليه وسلم ينظر بما اخذ به اصحابه "
“Quand deux hadices de Nabi r, ene contredire l’autre, alors bizin guette ceki so banne Sahaaba (compagnons) fine adopter.”
Allamah Abou Bakr Al-Jassaas dire dans so احكام القرآن:
"متى روى عن النبى صلى الله عليه وسلم خبران متضادان وظهر عمل السلف باحدهما كان الذى ظهر عمل السلف به اولى بالاثبات"
(احكام القرآن لابى بكر الجصاص)
“Quand deux hadices contradictoires rapporté de Nabi r et la pratique de Salaf (Sahaaba, Tabeines et Taba Tabeines) fine reste en vigueur d’après ene là-dans, alors ça hadice ki la pratique de Salaf fine reste en vigueur d’après ça, li pli mérité pou considère li” (Ahkaamul-Quraan par Abou Bakr Al-Jassas) (Décédé en 370 H).
Dire Ameen fort ou doucement
En ceki concerne dire ameen fort ou bien doucement aussi, bizin guetté ceki banne Sahaaba-e-Kiraam fine pratiqué après Rassouloullah r. Parceki ceki banne Sahaaba-e-Kiraam fine pratiqué après Rassouloullah r, li ene indication de ceki Rassouloullah r ti pratiqué en dernier lieu dans la fin. En principe, ceki Rassouloullah r fine pratiqué en dernier lieu dans la fin, c’est ça même kikchose ki l’Oummah bizin pratiqué.
La pratique banne Sahaba-e-Kiraam après Rasouloullah r
"عن ابى وائل قال: كان على وعبد الله لا يجهران ببسم الله الرحمن الرحيم ولا بالتعوذ ولا بالتامين (الطبرانى)
Traduction :
Hazrat Abou Wa-il fine dire :
(Hazrat) Ali t et Hazrat Abdullah (Bin Mas’oud t) pas ti pé dire بسم الله الرحمن الرحيم, ni اعوذ بالله ..., ni آمين fort. (Tabrani).
Position hadice :
Ena ene Rawi nommé ابو سعيد (Abou Said) dans so sanad ki aussi appelle ابو سعد البقال (Abou Sa’d Al-Baqqaal). Malgré tout ceki fine être reproché contre li, li ene narrateur ki fine qualifié de ene Rawi (narrateur) authentique. Acoze certaine critique ki fine ena contre li, forcé-forcé li capave dessane ene ti pé ki faire so hadice vine ene hadice Hassan. Mais pas plis ki ça. Surtout quand nou trouve شعبة, les deux سفيان – سفيان الثورى (Soufyaan Ath-Thawri), et سفيان بن عيينة (Soufyaan Bin Uyaynah), الاعمش (Al-A’mash) et lezot banne narrateurs authentique fine prend hadice avec li. L’habitude et principe ki banne narrateurs authentiques ti adopté pou pas rapporte hadice excepté depi ene ki authentique, montré kiابو سعد البقال li bizin authentique pou zotte fine capave prend hadice avec li. Surtout شعبة li renommé pou so principe pas prend hadice excepté avec ene kikene ki li reconnaite li comme authentique. Ene reproche ki banne savants de hadice ena contre ابو سعد البقال ki li ena l’habitude rapporte hadice de certaine narrateur dans ene style ki donne l’impression li fine tanne li directement mais ki en réalité li pas coumsa. En ceki concerne ici, ça reproche-là pas tini diboute parceki selon la version de ça hadice-là ki rapporté dans Mouswannaf Ibn Abou Shaibah, ابو سعد البقال fine précisé dans ene façon nette et clair ki ابو وائل fine rapporte ça hadice-là directement. Li vrai ki dans la version de Mouswannaf Ibn Shaibah, pas mentionne آمين mais ceki ti important pou prouvé ki ابو سعد البقال fine joine ابو وائل et li fine tanne hadice directement avec li. Ça version-là fine casse la thèse de انقطاع (rupture et disconnection) ki ti capave ena entre ابو سعد et ابو وائل. Donc ça hadice-là, par tous rapport li ene hadice Sahih (authentique). Ena ene ti pé détail encore ki fine donné concernant position ça hadice-là dans chapitre “Lire A’ouzoubillah et Bismillah après Sana”.
Remarque :
Ça récit-là montré ki Hazrat Ali t et Hazrat Abdullah Bin Mas’oud t ti pé dire ameen doucement dans zotte règne respective après Rassouloullah t.
Coumsa même selon ene hadice authentique ki trouve dans شرح معانى الآثار (Sharh Ma-‘anil-Athaar) de Allaamah At-Tahawi et تهذيب الآثار (Tahzeebul-Athaar) de ابن جرير الطبرى (Ibn Jareer At-Tabari) Hazrat ابو وائل dire :
"لم يكن عمر وعلى يجهران ببسم الله الرحمن الرحيم ولا بآمين"
(Hazrat) ‘Oumar t et (Hazrat) Ali t pas ti pé dire ni بسم الله الرجمن الرحيم ni آمين fort.
La pratique de ça banne célèbre Sahaba-e-Kiraam couma Hazrat ‘Oumar y, Hazrat Ali y et Hazrat Abdullah Bin Mas’oud y li donne raison à la version de Shou’bah selon laquelle Rassouloullah r ti pé dire آمين doucement.
Pou justifié so préférence dire آمين doucement, Allaamah ابن جرير الطبرى décédé en 310 H faire ressortir :
"والصواب ان الخبرين بالجهر والمخافتة صحيحان وعمل بكل من فعليه جماعة من العلماء وان كنت مختارا خفض الصوت بها اذ كان اكثر الصحابة والتابعين رضى الله عنهم على ذلك"
“Ceki correcte ki tous les deux hadices, ki concerne dire fort et doucement, zotte authentique et ena ene groupe de ‘Oulama ki fine adopté chakene de ça deux pratique-là malgré ki moi mo préfère dire li doucement étant donné ki la grande majorité de Sahaba et de Tabeines fine adopté ça”
D’après ceki Allaamah Ibn Jareer fine faire ressortir, la grande majorité de Sahaba-e-Kiraam et Tabeines ti pé dire ameen doucement. Ça li ene indication et ene preuve bien solide ki favorise la version de Shou’bah. Et ça façon donne préférence ene hadice lors so camarade li tout à fait compatible avec le principe ki banne savants de hadices de tous l’époque fine toujours adopté.
آمين c’est ene doah
قال ابن زيد كان هارون يقول آمين فقال الله قد اجيبت دعوتكما فصار التامين دعوة صار شريكه فيها
(تفسير الطبرى)
Ibn Zaid dire ki Hazrat Haroun ‘Alayhis-Salaam ti pé dire آمين, alors Allah Ta’ala fine dire “Certainement zotte deux zotte doah fine accepté.” Alors dire ameen fine considéré comme doah. (Et par ça c'est-à-dire par dire آمين) li (Haroun ‘Alayhis-Salaam) fine participe là-dans (dans doah). (Tafseer Tabari)
Explication :
Dans S10/V89 Allah Ta’ala fine adresse Hazrat Moossa u et Hazrat Haroun u et fine dire zotte قد اجيبت دعوتكما ... (Certainement zotte deux zotte doah fine accepté …) ça li donne l’impression ki Hazrat Moossa u et Hazrat Haroun u, zotte tous les deux fine faire doah ki fine accepté. Mais d’après tafseer de ça verset-là ki fine rapporté par banne Sahaba couma Hazrat Abou Hourairah t et Hazrat Abdullah Bin Abbaas t et banne ‘Oulama couma Mouhammad Bin Ka’ab, Abul ‘Aliyah, Abou Swaalih, nou trouvé ki c’est necque Hazrat Moossa u ki ti faire doah. Quant à Hazrat Haroun u, li ti pé faire آمين lors doah ki Hazrat Moossa u ti pé faire. Malgré ça, Allah Ta’ala fine dire دعوتكما (zotte deux zotte doah). Ça montré ki dire آمين aussi li compte ene doah. Imam Boukhari (R) fine rapporté de Hazrat ‘Ataa Bin Abou Rabaah ki dire ki آمين c’est ene doah.
ادعو ربكم تضرعا وخفية انه لا يحب المعتدين (آية ٥٥ / سورة الاعراف
“Dimane ou Rabb avec humilité et doucement parceki li pas content banne ki dépasse limite.” (S7/V55)
Explication :
Dans le verset, Allah Ta’ala pé ordonne nou pou faire doah et pou dimane avec li doucement. Donc nou comprend ki le principe pou dimane doah c’est dimane doucement. Dimane doah à haute voix d’après Ibn Juraij, li compte dans dépasse limite. Alors, étant donné ki آمين aussi c’est ene doah, ça donne raison à banne ki dire le principe concernant dire آمين dans namaz, c’est dire li doucement. Selon ene hadice rapporté par Hazrat Anas t avec ene sanad authentique, Rassouloullah r fine dire :
"دعوة فى السر تعدل سبعين دعوة فى العلانية"
“Ene doah ki faire en cachiette, li équivaut 70 doah ki faire au clair. ”
Coumsa même selon ene hadice ki trouve dans Sahih Ibn Hibbaan, Rassouloullah r fine dire :
"خير الدعاء الخفى"
“Meilleur doah c’est ene doah silencieux.”
Tous ça-là c’est banne hadices ki favorise la pratique dire آمين doucement dans namaz, acoze ki آمين aussi li ene doah.
La version de Imam Soufyaan Ath-Thawri (rahmatoullahi ‘alayh)
La version hadice concernant dire ‘Ameen fort’ ki سفيان الثورى fine rapporté ena trois formules :
١ مد بها صوته
٢ يرفع بها صوته
٣ يجهر
سفيان الثورى (Soufyaan Ath-Thawri) ena dix zélèves ki fine rapporte ça hadice-là avec li. Dans ça 10 zélèves-là nou ena neuf zélèves nommé :
1. يحيى بن سعيد - Yahya Bin Saïd
2. عبد الرحمن بن مهدى - Abdurrahmaan Bin Mahdi
3. عبد الله بن يوسف - Abdullah Bin Yusuf
4. محمد بن يوسف - Mohammad Bin Yusuf
5. قبيصة - Qubaiçah
6. المحاربى - Al-Mouhaaribi
7. علاء بن صالح - ‘Ala Bin Swalih
8. يحيى بن سلمة - Yahya Bin Salamah
9. وكيع - Waki’
Fine rapporte ça hadice-là avec la formule "مد بها صوته".
C’est necque ene seule zélève nommé محمد بن كثير (Mouhammad Bin Katheer) ki fine rapporte ça avec la formule رفع بها صوته. Ene formule ki neuf personnes fine rapporté, li pou ena priorité lors ceki ene seule personne fine rapporté. Ça laisse paraite ki la version de سفيان الثورى avec la formule ""مد بها صوته li pli correcte et pli authentique ki ceki محمد بن كثير li tout seul fine rapporté. Et surtout quand محمد بن كثير li qualifié de ene Rawi ki fine faire erreur en abondance. Ça li ene l’autre élément ki affaibli position la formule ki li fine rapporté. Astere si nou considère la formule مد بها صوته pli authentique, à ce moment-là nou trouve la possibilité capave réconcilié entre "مد بها صوته" et خفض بها صوته. Parceki مَدَّ couma li capave signifié hausse la voix li signifie prolonge prononciation aussi. Si nou prend li dans le sens dire آمين par prolonge so prononciation, alors ça capave réuni ensemble avec dire li doucement aussi. C’est à dire Rasouloullah r fine rissé et prolonge prononciation آمين mais li fine dire li doucement. D’après ça interprétation-là, Shou’bah fine rapporté ki Rasouloullah r fine dire ça doucement et Soufyaan fine rapporté ki li fine prolonge so prononciation. Ça thèse-là li paraite valable et recevable surtout quand nou trouvé ki سفيان الثورى, li même personnellement, so pratique c’était de dire آمين doucement. Ça confirme ki la formule مَدَّ li dans le sens “prolonge prononciation lire” au lieu dans le sens de “lire à haute voix”.
Donc la formule exacte c’est la formule مَدَّ. Ena fine prend ça dans le sens “lire à haute voix”, alors zotte fine rapporte li de par so sens avec la formule رفع ou bien جهر ki signifié “lire à haute voix”.
D’ailleurs tous banne hadices ki fine rapporté avec la formule رفع ou bien جهر, soit ena kit problème dans so sanad ou bien ça ti pé pratique li à haute voix zisse pou enseigne banne dimoune. Ça li pareille couma parfois Hazrat ‘Oumar t ti pé lire sana à haute voix et couma Hazrat Abu Hurairah t ti pé lire اعوذ بالله ... fort dans le but pou enseigne lezot. Coumsa même ena des fois fine capave dire آمين fort mais pas comme ene principe établi, plutôt comme ene genre de l’enseignement.
Nou ena ene hadice ki confirme la possibilité ki ti dire آمين fort ziste pou enseigne banne dimounes. Selon ene hadice ki Al-Hafiz ابو بشر الدولابى (Abou Bishr Ad-Doolaabi) fine rapporté dans so كتاب الاسماء والكنى (Kitaabul-Asma Wal-Kuna) Hazrat Wa-il Bin Hujr t fine dire:
"... فقال آمين يمد بها صوته"
“…Alors li (Rasouloullah r) fine dire ameen par hausse so la voix.”
Apres avoir rapporte ça, Hazrat Wa-il Bin Hujr t faire la remarque suivante :
"ما اراه الا لبعلمنا"
“Mo pas trouve aukene raison apart ki li (Rasouloullah r) fine oulé enseigne nou”.
C’est à dire, d’après l’impression ki Hazrat Wa-il Bin Hujr t fine gagné, li trouvé ki Rasouloullah r ti dire ameen à haute voix ziste pour montré zotte. Ça remarque ki li fine faire-là, montré ki la plupart du temps li fine témoigne dire ameen doucement. Alors ça même ki fine amene li pou explique la pratique ki fine paraite contraire avec l’habitude ki tout le temps Rasouloullah r ti adopté. Sans quoi, "ما اراه الا ليعلمنا" (mo pas trouve narien apart ki li fine oulé enseigne nou) pas pou ena aukene sens.
N.B: Dans sanad hadice ki Ad-Doolaabi fine rapporté ena ene narrateur nommé Yahya Bin Salamah ki ene Rawi (narrateur) مختلف فيه (controversé). Mais ene hadice pareil capave servi li pou réconcilié entre banne hadices ki paraite contradictoire. D’ailleurs Yahya Bin Salamah li pas ene rawi ki fine être disqualifié par tous banne savants de hadice. Ibn Khuzaimah fine servi ene hadice ki ena Yahya Bin Salamah pou déclare ene l’autre hadice منسوخ (abrogé). Normalement li pas ti pou osé faire li si d’après li Yahya Bin Salamah pas ti ene rawi solide. Quant à Ibn Hibbaan, li considère seulement ça hadice ki Yahya Bin Salamah so garçon fine rapporté avec li comme ene hadice faible et étrange. C’est acoze position faible de so garçon ki so hadice fine être disqualifié. Ça hadice-là, pas so garçon ki fine rapporté avec li. Donc li ene narateur controversé. Hadice ene tel Rawi li ene hadice Hassan (passable) ki capave soutenir ene thèse. Donc ça hadice-là fine montré ki dire ameen fort c’était dans le but pou enseigné. Mais le principe établi, c’est dire ameen doucement.
Analyse lors banne hadice ki mentionne dire ameen fort
Hadice Hazrat Abou Hourairah t
كان رسول الله صلى الله عليه وسلم اذا فرغ من قراءة ام القرآن رفع صوته وقال آمين (الحاكم والدارقطنى)
Traduction :
Quand Rassouloullah r ti pé termine la récitation “Ummul Qour’aan” (Sourah Fatihah) li ti pé lève so la voix et ti pé dire آمين. (Al-Hakim / Darqutni).
Position hadice :
Dans ça sanad-là ena trois Rawi ki pas correcte :
- يحيى بن عثمان (Yahya Bin Uthmaan)
- اسحاق بن ابراهيم (Ishaaq Bin Ibrahim)
- عبد الله بن سالم (Abdullah Bin Saalim)
يحيى بن عثمان fine être critiqué par Ibn Abu Hatim et Allaamah Az-Zahabi. Et pou Imam Abou Dawood et Niça-i, اسحاق بن ابراهيم li pas ene Rawi ثقة (authentique). Mouhammad Bin Awf fine qualifié li de ene menteur. محمد بن عون (Mouhammad Bin Awn) aussi fine dire ki اسحاق بن ابراهيم li cause menti. D’aprèsتقريب التهذيب (Taqreebut-Tahzeeb) de Allaamah Ibn Hajar, li ene Rawi sérieux mais li faire beaucoup confusion. Finalement le Rawi عبد الله بن سالم c’est ene personne ki ti pé mal parle Hazrat Ali t. Li ti pé dire ki Hazrat Ali t ti aide pou assassine Hazrat ‘Oumar t. Ene hadice rapporté par ene rawi pareil pas capave être ene hadice authentique. Li vrai ki Imam Darqutni fine qualifié li dans so sounan de ene hadice حسن mais dans so كتاب العلل, li fine qualifié li de ene hadice ضعيف (faible). Etant donné ki so jugement li contradictoire, pas capave considère ni ene ni l’autre. Et surtout quand sanad ça hadice-là li contenir ene Rawi ki fine être qualifié de ene Rawi menteur aussi.
Hadice Hazrat Abdullah Bin ‘Oumar t
Le hadice Hazrat Abdullah Bin ‘Oumar t aussi ki mentionne dire ameen fort li ena ene rawi nommé بحر السقاء (Bahrus-Saqqa) dans so sanad ki qualifié de ene Rawi ضعيف (faible) par Darqutni même. Donc li ene hadice faible.
Hadice Hazrat Ali t
Hazrat Ali t dire :
"سمعت رسول الله r اذا قال ولا الضالين قال آمين" (ابن ماجه)
“Mo fine tanne Rassouloullah r dire ameen quand li ti pé dire ولا الضالين.” (Ibn Majah).
Explication :
Réussi tanne ene kikene pé dire ene kikchose pas veut dire ki li fine dire ça kikchose-là fort. Donc si Hazrat Ali t fine tanne Rassouloullah r dire آمين, ça pas prouve dans aukene façon ki li fine bizin dire ça fort. Normalement banne Mouswalli ki trouve près avec Imam dans premier ou deuxième saff, zotte capave tanne certaine kikchose ki Imam pé lire ki pourtant li pé lire li doucement. Ça explication-là li paraite pli correcte et pli valable à la lumière la pratique Hazrat Ali t ki ti pé dire ameen doucement pareille couma Hazrat ‘Oumar t aussi ti pé dire ça doucement. Donc c’est ça réussi tanne ameen-là même ki fine interprété par dire ameen fort dans certaine version par certaine Rawi mais ki en réalité pas ti dire fort.
Hadice Hazrat Abou Hourairah t
Hazrat Abou Hourairah t dire:
"ترك الناس التامين وكان رسول الله r اذا قال "غير المغضوب عليهم ولا الضالين قال آمين حتى يسمع اهل الصف الاول فيرتج بها المسجد " (ابن ماجه)
Banne dimoune fine abandonne dire ‘Ameen’ et pourtant quand Rassouloullah r ti pé lire غير المغضوب عليهم ولا الضالين, li ti pé dire آمين ziska banne ki dans premier saff ti pé tendé et masjid ti pé résonné avec ça… (Ibn Majah).
Position hadice:
Nou ena deux qualités problème dans ça hadice-là. Ene ki concerne so sanad et deuxième ki concerne so matn. En ceki concerne so sanad, ena ene Rawi nommé بشر بن رافع (Bishr Bin Raafi’) là-dans ki selon Imam Niçaa-i li pas ene Rawi solide. Pou Ibn Hibbaan, Bishr Bin Raafi’ li rapporte banne kikchoses fabriquées. Et li faire ça dans ene façon ki donne l’impression ki li faire ça avec connaissance. Imam Ahmad Bin Hambal (R) fine qualifié li de ene narrateur faible. Hafiz Ibn Abdul Barr dire ki li ene narrateur faible d’après banne savants de hadice. Allaamah Ibn Hajar dire qui banne savants de hadice zotte tous d’accord lors-là ki bizin rejette tout ceki li fine rapporté et pas capave servi narien ceki li fine rapporté comme ene preuve.
Donc de par so sanad, ça hadice-là li ene hadice bien bien faible ki pas capave prend en considération. Si jamais nou considère li aussi, là aussi li pas ene preuve ki soutenir dire ameen fort. Au contraire li ene preuve contre dire ameen fort parceki d’après témoignage Hazrat Abou Hourairah t banne dimoune ti arrête dire dire ameen fort. Banne dimounes dans ça l’époque-là ti banne Sahaaba et banne Tabeines. Donc d’après ça déclaration-là, banne Sahaaba et banne Tabeines dans l’époque Hazrat Abou Hourairah t pas ti pé dire ameen fort. Ça montré la pratique pli correct concernant dire ameen, c’est dire li doucement. Sinon li paraite bien drôle, ki banne Sahaba et banne Tabeines zotte tous fine capave arrête faire ene kitchose ki supposé être sounnah.
Ça hadice-là, de par so matn aussi, li ene hadice ki paraite pas correct parceki li dire ki Rassouloullah r ti pé dire ameen fort à tel point ki banne mouswalli dans premier saff ti pé tanne ça. Normalement ça quantité-là, si pas appelle “dire doucement”, pas capave appelle li aussi dire fort. Et pas tous banne mouswalli dans premier saff ki ti pé tanne-ça. Selon Abou Dawood, c’est necque banne mouswalli dans premier saff ki ti pé reste près avec Rassouloullah r ti pé tanne ça. Ça aussi montré ki li pas ti fort ! Donc au lieu servi li pou soutenir dire ameen fort, capave servi pou soutenir dire ameen doucement. Parceki ça quantité fort-là li compte dans doucement. Finalement ça hadice-là aussi li corresponde avec le hadice de Shoubah ki soutenir dire ameen doucement.
Astere ene kikchose ki li ene quantité fort ki seulement banne mouswalli dans premier saff capave tendé, pas capave faire ene masjid résonné. Et surtout quand nou conné ki Masjid-e-Nabawi dans ça l’époque-là ti couvert avec feuille tamme. Li pas ti encore vine ene bâtiment en concrète.
A supposé Masjid ti pé résonné malgré tous ça-là, alors ki manière zotte ti pé tanne masjid résonné ? A moins zotte ti pé bizin pas dire Ameen fort. Si non, Rassouloullah r so “dire ameen fort” ti pou perdi dans banne mouswalli “zotte dire ameen”. Ça montré ki banne mouswalli pas ti pé dire ameen fort. Si ça prouve quelque chose, li prouvé ki necque Rassouloullah r ti pé dire ameen légèrement fort. Alors li capave vine ene preuve pou Imam dire ameen légèrement fort, pas pou banne mouswalli. Mais couma nou fine prouvé, c’est necque deux trois mouswallis ki ti près avec Rassouloullah r dans premier saff, ki ti pé tanne so ameen. Donc si ça prouve quelque chose, li prouve ki c’est necque Rassouloullah r ti pé dire ameen et ça aussi légèrement fort ki nou capave appelle li dire doucement. Malgré tout, so sanad aussi, li ene sanad faible ki ranne ça hadice-là incapable pou soutenir ça thèse dire ameen fort-là. Donc ça hadice-là aussi li ene hadice faible de par so sanad et so matn ki pas capave servi pou soutenir “dire ameen fort”.
Hadice Hazrat ام حصين t (Umme Huçaine)
Selon le Musnad de Ishaaq Bin Raahwayh, Hazrat Umme Huçaine t dire ki li fine faire namaz derrière Rassouloullah r, alors li (Rassouloullah r) fine dire ameen quand li fine fini lire ولا الضالين. Hazrat Umme Huçaine t dire ki li fine tanne li dire ça pourtant li ti dans saff banne madames. (Mousnad Ishaaq Bin Raahwayh).
Position et explication hadice :
Ena ene Rawi nommé اسماعيل بن مسلم المكى (Ismaël Bin Mouslim Al-Makki) dans sanad ça hadice-là. C’est ene Rawi faible ki fine disqualifié par tous banne savants de hadice couma Imam Ahmad Bin Hanbal, Niçaa-i, Yahya, Yahya Bin Ma-ïne, Ali Bin Madeeni, As-Sa’di etc. Coumsa même ena ene Rawi nommé هارون الاعور (Haroun Al-A’war) ki li ene Raafizi. Raafizi c’est ene kikene ki ena l’ennemité avec banne Sahaba-e-Kiraam et surtout avec Hazrat Abou Bakr t et Hazrat ‘Oumar t. Donc c’est ene hadice faible ki pas capave servi pou soutenir ene thèse. D’ailleurs li paraite bien étrange ki manière Hazrat Umme Huçaine t fine capave tanne Rassouloullah r dire ameen quand li ti derrière dans saff banne madames. Eski banne Sahabah pas ti faire آمين fort ? Si zotte ti faire ameen fort, alors Rassouloullah r so “dire ameen” ti pou perdi dans zotte la voix. Et si zotte pas ti dire fort et d’ailleurs li bizin coumsa même pou li fine capave tanne Rassouloullah t so آمين depi nette derrière dans saff banne madames. Si ça hadice-là ti fort de par so sanad aussi, là-aussi pas ti pou capave servi li pou banne mouswallis dire ameen fort. Forcé-forcé li ti pou ene indication pou Imam dire آمين fort, non pli banne mouswalli. Et ça point-là aussi li contesté par ça hadice ki dire ki Rassouloullah r ti pé dire ameen ene quantité fort ki necque banne mouswallis ki ti près avec li dans premier saff, ti pé tanne ça. Ça faire ça hadice-là vine ene hadice مضطرب de par so sens ki pas capave appliqué. Ene hadice مضطرب c’est ene hadice ki ena ene confusion ou ene dilemme ki pratiquement parlant, pas capave enlevé. Donc avec so deux problèmes ki li ena dans so sanad et dans so matn, li pas capave soutenir aukene thèse.
En dernier lieu :
En dernier lieu nou ena la déclaration de Hazrat "عطاء", selon laquelle Hazrat Abdullah Bin Zubair t ti pé dire ameen et banne mouswalli derrière li aussi ti pé dire ameen et ça ti pé faire écho dans masjid. Mais ça li paraite bien faible quand nou analyse li à la lumière la pratique Hazrat ‘Oumar t, Hazrat Ali t et Hazrat Abdullah Bin Mas’oud t et à la lumière la pratique de la grande majorité de banne Sahaba-e-Kiraam et banne Tabeines ki ti pé faire ameen doucement. Donc li tout à fait normal pou considère ceki la grande majorité banne Sahaba et banne Tabeines fine pratiqué. Forcé-forcé capave dire ki ti ena ene ti groupe de Sahaba-e-Kiraam ki ti pé dire ameen fort mais ça aussi li bien vrai ki la pli grande majorité de banne Sahaba-e-Kiraam et banne Tabeines fine dire li doucement.
Le célèbre Moufassir (Savant de Tafseer) Allaamah Abou Bakr Al-Jassaas (décédé 370 H) dire dans so احكام القرآن:
اذا اختلف الحديثان وظهر عمل السلف باحدهما كان الذى ظهر عمل السلف به اولى بالاثبات
Quand ena divergence entre deux hadices et (l’autre coté) la pratique de Salaf (Sahaba, Tabeines, Taba-Tabeines) li basé d’après ene entre les deux, alors le hadice lors lequel la pratique de salaf fine basé, li pli mérité pou garde li en vigueur.
Ça aussi donne raison à ça hadice ki montré dire ameen doucement parceki c’est ça même façon ki salaf fine pratiqué.
