"ثناء" (sana) signifié éloge. Ena ene doah ki lire dans premier rakaat namaz avant faire récitation Qour’aan-e-Kareem. Ça doah-là li reconnaite par "ثناء" (sana) acoze ki ena éloge Allah Ta’ala là-dans. Et appelle li "دعاء الاستفتاح" (Doua-Al-Istiftaah) aussi ki signifié ene doah ki servi pou faire ouverture. Etant donné ki c’est ene doah ki faire dans commencement namaz après takbeer tahmeerah fine appelle li "دعاء الاستفتاح".
Hadice Hazrat Anas (r.a)
"عن انس رضي الله عنه عن النبى صلى الله عليه وسلم انه كان اذا كبر رفع يديه حتى يحاذى اذنيه يقول: سبحانك اللهم وبحمدك وتبارك اسمك وتعالى جدك ولا اله غيرك" (رواه الطبرانى فى الاوسط/الدار قطنى)
Traduction :
Hazrat Anas t rapporté de Nabi r ki, quand li ti pé faire takbeer et li ti pé lève so deux la main ziska ki ça ti pé vine dans même hauteur avec so deux zoreille, li ti pé lire :
سبحانك اللهم وبحمدك وتبارك اسمك وتعالى جدك ولا اله غيرك
(Tabraani/Dar-Qutni)
Position hadice :
Banne narrateurs dans sanad ça hadice-là, zotte banne narrateurs authentiques. Alors ça faire ça hadice-là vine ene hadice authentique. Le sanad dans Dar-Qutni aussi li ene sanad solide. Donc perna doute ki le hadice li ene hadice authentique.
Explication :
Apart ça formule-là, ena encore lezot formules ki, selon banne hadices, Rasouloullah r ti pé lire dans commencement namaz après takbeer tahreemah. Mais c’est le doah avec la formule ki fine mentionné ici ki fine être pratiqué par la plupart Sahaba-e-Kiraam. Donc ça donne li priorité lors banne lezot formules.
Allaamah Ibn Taimiyah dire :
"واختيار هؤلاء يعنى الصحابة الذين ذكرهم بهذا الاستفتاح وجهر عمر رضي الله عن به احيانا بمحضر من الصحابة ليتعلمه الناس مع ان السنة اخفاءه يدل على انه الافضل وانه الذى كان النبى r يداوم عليه غالبا"
“Le fait ki banne Sahaba-e-Kiraam fine adopté ça forme de doah dans commencement, et le fait ki (Hazrat) ‘Oumar t parfois fine lire ça à haute voix en présence banne Sahaba-e-Kiraam pou ki banne dimoune apprane li, malgré ki le principe d’après sounnat c’est lire li doucement, (tous ça-là) prouvé ki c’est ça même (formule) pli bon et c’est ça même ki Nabi r ti pé lire li régulièrement la plupart du temps. ”
Hadice Hazrat Abdullah Bin Mas’oud
عن عبد الله بن مسعود رضي الله عنه قال: كان رسول الله صلى الله عليه وسلم يعلمنا اذا استفتحنا الصلاة ان نقول: سبحانك اللهم وبحمدك وتبارك اسمك وتعالى جدك ولا اله غيرك وكان عمر ابن الخطاب t يعلمنا ويقول كان رسول الله r يقوله (الطبرانى فى الاوسط)
Traduction :
“Rapporté par (Hazrat) Abdullah Bin Mas’oud t ki fine dire ki Rasouloullah r ti pé enseigne nou lire سبحانك اللهم وبحمدك وتبارك اسمك وتعالى جدك ولا اله غيرك quand nou commence namaz. Et (Hazrat) ‘Oumar Bin Al-Khataab t (aussi) ti pé enseigne nou (ça) et li ti pé dire ki Rasouloullah r ti pé lire ça.” (Tibraani)
Position hadice :
D’après banne savants de hadice, ابو عبيدة (Abou Ubaidah) ki trouve dans sanad ça hadice-là pas fine tanne narien de so papa, Hazrat Abdullah Bin Mas’oud t.
Imam Tirmizi dire :
عن عمرو بن مرة قال سئلت ابا عبيدة بن عبد الله هل تذكر من عبد الله شيئا قال لا
Rapporté de Amr Bin Mourrah ki li fine dire : Mo fine dimane Abou Ubaidah Bin Abdullah, eski to rappelle kitchose (to fine tendé) avec Abdullah ? Li dire non.
Donc acoze ça, ça hadice-là li ene hadice منقطع. Mais d’après Allaamah بدر الدين العينى (Badruddeen Al-Aini), Abou Ubaidah fine tendé avec so papa. Comme preuve li cite ene hadice dans Tibraani avec le sanad suivant :
عن ابى الزبير قال حدثنى يونس بن عتاب الكوفى سمعت ابا عبيدة بن عبد الله يذكر انه سمع اباه ...
Rapporté de Abou Zubeir ki fine dire ki Younous Bin Itaab Al-Koufi fine rapporté avec moi ki mo fine tanne Abou Ubaidah Bin Abdullah dire ki li fine tanne so papa (Hazrat Abdullah Bin Mas’oud t) …
Ça sanad-là montré ki Abou Ubaidah fine tendé avec so papa. Li bon conné ki Abou Ubaidah ti ena sept ans quand so papa Hazrat Abdullah Bin Mas’oud t ti mort. Normalement c’est ene l’age assez fort ki permette ene zenfant rappelle so papa et rappelle banne causé ki li fine causé. Donc li pas étonnant ki Abou Ubaidah fine tendé avec so papa mais c’est necque impé kitchose ki li ti rappelle, pas tout. De toute façon si li fine tendé, tant mieux mais si li pas fine tendé directement alors le lien entre li et so papa bizin ene lien authentique. Et d’ailleurs ene garçon li pli conné ceki so papa fine dire. Banne membres de la famille, de par zotte nature, zotte ena l’habitude cause causé ki zotte papa fine causé dans la caze, même après so la mort aussi. C’est probablement acoze ça même ki Imam Dar-Qutni fine qualifié plusieurs hadices rapporté par Abou Ubaidah de so papa Hazrat Abdullah Bin Mas’oud t, de banne hadices authentiques dans Sounan Ad-Darqutni.
Donc de toute façon le hadice de Tibrani li ene hadice ki capave être considéré. Surtout quand nou analyse li à la lumière lezot hadices ki fine être rapporté dans le même sens.
Explication :
Rasouloullah r ti pé enseigne banne Sahaaba-e-Kiraam ça doah-là pou lire dans commencement namaaz. Et après Rasouloullah r. Hazrat ‘Oumar t aussi ti pé enseigne ça même doah. Coumsa même Hazrat Abdullah Bin Mas’oud t aussi fine enseigne ça même doah à so banne z’élèves. Ça montré ki c’était ene doah tres connu dans l’époque banne Sahaaba-e-Kiraam ki zotte fine toujours pratiqué dans namaz. Ça sufi pou montré valeur ça doah-là et so l’importance.
Hadice Hazrat Aishah t
عن عائشة رضي الله عنها قالت كان رسول الله صلى الله عليه وسلم اذا استفتح الصلاة قال سبحانك اللهم وبحمدك وتبارك اسمك وتعالى جدك ولا اله غيرك (ابو داؤد)
Traduction:
Rapporté par Hazrat Aisha t ki dire quand Rasouloullah r. ti pé commence namaz, li ti pé lire سبحانك اللهم وبحمدك وتبارك اسمك وتعالى جدك ولا اله غيرك (Abou Dawood).
Position hadice :
Tous banne narrateurs ki trouve dans le sanad, zotte banne narrateurs authentiques. Ena ene seule problème ki soi-disant le narrateur ابو الجوزاء اوس بن عبد الله (Abul Jawzaa Aws Bin Abdullah) ki rapporte ça hadice-là avec Hazrat Aisha t, en réalité pas fine tendé avec li. Allaamah Bin Hajar Al-Asqalaani dire dans so At-Talkhees ki banne narrateurs dans so sanad, zotte banne narrateurs authentiques mais ena انقطاع (disconnection).
Ça disconnection-là, selon ceki fine mentionné, li trouve entre Abul Jawzaa et Hazrat Aisha t. Donc d’après ça explication-là c’est ene hadice منقطع. Mais bizin prend en considération le fait ki Abul Jawzaa li ene grand Tabei ki fine mort en 83 Hijri. Alors li pas drôle si li fine tendé avec Hazrat Aisha t.
Allaamah Bin Hajar Al-Asqalaani fine faire ene déclaration dans so Tahzeeb-ut Tahzeeb ki tout à fait contraire à ceki li fine dire dans so At-Talkhees. Selon ceki li fine déclaré, Abul Jawzaa ti envoye ene personne pou dimane Hazrat Aisha t. D’après ça déclaration-là, li paraite ki Abul Jawzaa pas fine tanne ça hadice-là directement avec Hazrat Aisha t. Mais rien n’empêche ki après ça li fine capave alle tanne li directement. Ça donne ene l’impression assez fort ki peut être Allaamah Bin Hajar ti rétracté de ceki li ti déclaré dans so At-Talkhees. Donc quand zotte fine vive dans même l’époque et ena ça possibilité ki zotte fine joine, alors perna aukene raison pou dire ki zotte pas fine joine. D’après critère Imam Mouslim, امكان اللقاء, c'est-à-dire quand ena la possibilité ki deux Rawi fine capave joine acoze ki zotte fine vive dans même l’époque, li sufi pou accepté ki ene fine tanne hadice avec so camarade.
D’ailleurs ena ene hadice ki trouve dans Saheeh Mouslim ki Abul Jawzaa fine rapporté avec Hazrat Aisha t. Ça aussi li ene indication ki selon Imam Mouslim, Abul Jawzaa fine tendé avec Hazrat Aisha t. Allaamah Ibn-ul-Atheer aussi fine déclaré dans so جامع الاصول ki Abul Jawzaa fine tanne hadice avec Hazrat Aisha t, Hazrat Abdullah Bin Abbaas t et avec Hazrat Abdullah Bin Amr t. Donc à la lumière de tous ça banne données-là, la thèse de انقطاع (disconnection) dans sanad entre Abul Jawzaa et Hazrat Aisha t pas tini diboute. D’ailleurs انقطاع (disconnection) de sanad dans خير القرون li tolérable ki pas ranne ene hadice faible ou défectueux.
Li bon conné ki Al-Haakim fine qualifié ça hadice-là de ene hadice saheeh (authentique) ki satisfaire banne critères et banne conditions adopté par Imam Boukhari et Imam Mouslim. Allaamah Az-Zahabi aussi fine approuve ceki Al-Hakim fine déclaré.
حارثة بن ابى الرجال (Haaritha Bin Abu-R-Rijaal) fine rapporte la même chose de Hazrat Aisha t en passant par عمرة (Amrah) dans Sounan Ibn Maajah. Donc ça capave servi ene renfort pou ceki Abul Jawzaa fine rapporté. Disons حارثة بن ابى الرجال fine être considéré comme ene Rawi faible acoze so mémoire faible couma Imam Tirmizi fine faire ressortir. Mais ça pas ene critère pou affaibli ça hadice-là parceki li ene Rawi acceptable selon lezot. Et la possibilité ki li fine capave mal rapporté pas tini diboute acoze ki li pas le seul Rawi ki fine rapporte ça. Et ça possibilité-là li couvert par le fait ki li fine rapporté par ene l’autre Rawi aussi. Donc pas capave disqualifié ça hadice-là acoze ki so mémoire faible.
En principe ene hadice faible aussi, li vine ene hadice assez fort quand li renforci par ene l’autre hadice. Ça hadice-là li déjà fort. Donc avec ça renfort-là, li vine pli fort encore. Donc de toute façon, ça hadice-là li ene hadice solide.
Explication :
Ça hadice-là pé montré ki Rasouloullah r ti ena l’habitude lire سبحانك اللهم وبحمدك وتبارك اسمك وتعالى جدك ولا اله غيرك dans commencement namaz. C’est acoze ça même ki la majorité de banne Sahaba-e-Kiraam ti pé faire ça doah-là. Imam Tirmizi dire :
"…واما اكثر اهل العلم فقالوا انما يروى عن النبى صلى الله عليه وسلم انه كان يقول سبحانك اللهم وبحمدك وتبارك اسمك وتعالى جدك ولا اله غيرك وهكذا روى عن عمر بن الخطاب وعبد الله بن مسعود والعمل على هذا عند اكثر اهل العلم من التابعين وغيرهم" (الترمذى)
“ … Quant à la majorité de banne ki ena la connaissance, zotte dire ki ceki rapporté de Nabi r ki li ti pé lire سبحانك اللهم وبحمدك وتبارك اسمك وتعالى جدك ولا اله غيرك et c’est ça même ki fine rapporté apropos Hazrat ‘Oumar Bin Al-Khattaab t et Hazrat Abdullah Bin Mas’oud t. Et la pratique li basé lors ça même au près la majorité de banne savants dans banne Tabeines et lezot. ” (Tirmizi)
La pratique Hazrat ‘Oumar t
"انه كان اذا كبر للصلاة قال سبحانك اللهم وبحمدك وتبارك اسمك وتعالى جدك ولا اله غيرك "
(الدار قطنى)
Traduction : Quand li (Hazrat ‘Oumar t) ti pé faire takbeer pou namaz, alors li ti pé lire سبحانك اللهم وبحمدك وتبارك اسمك وتعالى جدك ولا اله غيرك (Darqutni)
Position hadice :
C’est ene hadice saheeh (authentique). Tous banne narrateurs dans so sanad c’est banne narrateurs fort et solide. Perna narien à reproché là-dans.
Explication :
Selon ceki Imam Mouhammad fine rapporté dans كتاب الآثار (Kitaab-ul-Athaar), ene groupe de personnes de banne habitants de Basra fine vine acote Hazrat ‘Oumar t expressément pou dimane li apropos la façon pou commence namaz. Alors Hazrat ‘Oumar t fine dibouté et fine commence namaz. Banne personne-là fine diboute derrière li. Alors Hazrat ‘Oumar t fine lire سبحانك اللهم وبحمدك وتبارك اسمك وتعالى جدك ولا اله غيرك à haute voix. Commentant la pratique de Hazrat ‘Oumar t, Allaamah Ibn-ul-Houmaam dire dans so commentaire Fat-hul-Qadeer lors Al-Hidaayah :
ولما ثبت من فعل الصحابة كعمر رضي الله عنه وغيره الافتتاح بعده عليه الصلاة والسلام سبحانك اللهم مع الجهر به لقصد تعليم الناس ليقتدوا وياتسوا كان دليلا على انه الذى كان عليه r آخر الامر او انه كان الاكثر
“Et le fait ki après Rasouloullah r, la façon commence namaz avecسبحانك اللهم وبحمدك وتبارك اسمك وتعالى جدك ولا اله غيرك à haute voix fine établi par la pratique banne Sahaba couma Hazrat ‘Oumar t et lezot dans le but pou enseigne banne dimounes afin ki zotte suive ça, ça li ene preuve ki c’est ça même était la pratique de Nabi r dans la fin (régulièrement) ou bien c’est ça même ti été la plupart du temps.”
(Fat-hul-Qadeer commentaire par Allaamah Ibn-ul-Houmaam lors Al-Hidaayah)
Hazrat ‘Oumar t fine lire ça doah-là à haute voix ziste pou enseigne ça banne dimounes ki ti vine acote li pou dimane li ça. Donc ça montré ki c’est ça même doah ki Rasouloullah r ti pé lire. Si ti ena l’autre formule ki Rasouloullah r ti habitué lire, Hazrat ‘Oumar t ti pou montré ça même. Li pas possible ki Rasouloullah r ti habitué lire ene l’autre formule et Hazrat ‘Oumar t enseigne ene formule rare ou ene formule ki pas existé, à banne ki fine dérangé expressément pou apprane ça.
Li bon conné ki c’était la pratique Hazrat Abou Bakr t et Hazrat Usmaan t aussi. Selon ene hadice dans كنز العمال, Ibn Juraij dire ki ene kikene ki mo considère li vrai fine rapporte moi concernant Hazrat Abou Bakr t, Hazrat ‘Oumar t, Hazrat Usmaan t et Hazrat Abdullah Bin Mas’oud t ki zotte ti pé lire سبحانك اللهم وبحمدك وتبارك اسمك وتعالى جدك ولا اله غيرك avant faire Qiraat quand zotte ti pé commence namaz.
La pratique Hazrat Usmaan (r.a)
Coumsa même dans ene hadice ki trouve dans الدار قطنى (Sounan Darqutni) ki qualifié de ene Hadice Hassan, Hazrat Abou Wa-il dire :
"كان عثمان رضي الله عنه اذا افتتح الصلاة يقول سبحانك اللهم وبحمدك وتبارك اسمك وتعالى جدك ولا اله غيرك يسمعنا ذلك" (رواه الدار قطنى)
“(Hazrat) Usmaan t, quand li ti pé commence namaz, ti pé lire سبحانك اللهم وبحمدك وتبارك اسمك وتعالى جدك ولا اله غيرك. (Et) li ti pé faire nou tanne ça”. (Darqutni)
Position hadice et explication :
Ça hadice-là li dans catégorie ene hadice Hassan. D’après ça hadice-là Hazrat Usmaan t ti ena l’habitude lire ça dans namaz. Pareille couma Hazrat ‘Oumar t, Hazrat Usmaan t aussi parfois ti pé lire ça à haute voix. C’était dans le but pou enseigne lezot le doah ki li sunnat pou lire. Et ça pas fine contesté par kikene. Donc li montré ki li ti ene doah tout à fait normal.
N.B : Apart سبحانك اللهم وبحمدك وتبارك اسمك وتعالى جدك ولا اله غيرك ena encore lezot formules ki fine rapporté. Par exemple la formule :
"اللهم باعد بينى وبين خطاياى كما باعدت بين المشرق والمغرب اللهم نقنى من خطاياى كما ينقى الثوب الابيض من الدنس اللهم اغسلنى من خطاياي بالثلج والماء والبرد"
“O Allah! Sépare moi de mo banne péchés la quantité ki To fine sépare l’Est de l’Ouest. O Allah ! Nettoye moi de mo banne péchés couma faire nettoyage linge blanc de saleté. O Allah ! Lave moi de mo banne péchés avec glaçon, avec de l’eau et la grêle.”
Ça formule-là fine être rapporté dans Sahih Boukhari et Sahih Mouslim. D’après principe de hadice, ça formule-là fine être rapporté dans ene façon pli authentique. Mais li étonnant pou remarqué ki selon Allaamah Bin Houmaam, personne parmi les 4 Imam pas fine déclare li sounnat. La pratique de banne Salafs (Sahaba-e-Kiraam, Tabeines et Taba-Tabeine) fine toujours reste lors la formule سبحانك اللهم وبحمدك وتبارك اسمك وتعالى جدك ولا اله غيرك. Ça prouvé ki Rasouloullah r fine pratique ça même régulièrement. Pou explique ça, Allaamah Bin Houmaam dire dans so Fathul-Qadeer :
"والحاصل ان غير المرفوع او المرفوع المرجوح فى الثبوت عن مرفوع آخر يقدم على عديله اذا اقترن بقرائن تفيد انه صحيح عنه عليه الصلاة والسلام"
“Bref ena des fois ene hadice ki pas Marfou’ ou ene hadice Marfou’ ki relativement moins fort de par so source, comparé à ene l’autre Marfou’, arrivé gagne préférence ou priorité lors so camarade quand li entouré de banne indices ki montré ki li prouvé de Nabi r dans ene façon authentique.” (Fathul-Qadeer lors Al-Hidaayah)
C'est-à-dire la formule سبحانك اللهم وبحمدك وتبارك اسمك وتعالى جدك ولا اله غيرك li rapporté par banne hadices ki relativement moins fort mais lors plan pratique, nou trouvé ki banne Sahaba-e-Kiraam couma Hazrat ‘Oumar t, Hazrat Usmaan t et Hazrat Abdullah Bin Mas’oud t fine mette li en pratique en présence banne Sahaba-e-Kiraam sans la moindre contestation. Donc c’est ça même banne indices ki fine amene banne ‘Oulama en général lors conclusion ki ça hadice-là li pli fort au niveau pratique. Parceki ene hadice faible ki bénéficié support de la pratique de banne Sahaba-e-Kiraam en général et de banne Tabeines, li vine pli fort ki ene hadice fort ki na pas bénéficié ça support-là. Astere si ene hadice ki fort dans li même, et li bénéficié ça support-là, li pou vine pli fort encore. C’est la raison pou laquelle nou trouve Imam Malik (R), en principe, li donne priorité ene hadice faible ki bénéficié l’appuie de banne Salafs lors ene l’autre hadice ki paraite pli fort de par so sanad.
