Lire A’ouzoubillah et Bismillah après Sana

Lire A’ouzoubillah et Bismillah après Sana

عن الاسود بن يزيد قال رأيت عمر بن الخطاب (رضي الله عنه) حين افتتح الصلاة كبر ثم قال سبحانك اللهم وبحمدك وتبارك اسمك وتعالى جدك ولا اله غيرك ثم يتعوذ (الدارقطنى)

 

Rapporté par Al-Aswad Bin Yazeed ki fine dire :

“Mo fine trouve (Hazrat) ‘Oumar Bin Al-Khattaab t faire takbeer quand li ti pé commence namaz.Ensuite li ti pé lire سبحانك اللهم وبحمدك وتبارك اسمك وتعالى جدك ولا اله غيرك et après ça li ti pé lire a’ouzoubillah…” (Darqutni)

Position hadice :

C’est ene hadice Saheeh (authentique).

Hadice Hazrat Ali t

عن على بن ابى طالب (رضي الله عنه) قال كان النبى (صلى الله عليه و سلم) يقرأ بسم الله الرحمن الرحيم فى صلاته (الدارقطنى)

Traduction :

Rapporté par (Hazrat) Ali Bin Abou Talib t ki dire ki Nabi r ti pé lire بسم الله الرحمن الرحيم dans so namaz. (Darqutni)

Position hadice :

Selon Darqutni c’est ene hadice ki so sanad li ene sanad passable. Donc capave base lors-là pou dire ki Rasouloullah r ti pé lire بسم الله الرحمن الرحيم dans namaz.

Explication :

Le premier hadice montré ki Ta’awwouz (lire اعوذ بالله ...) li vine après sana. Le deuxième montré ki ti ena la récitation de بسم الله الرحمن الرحيم dans namaz Rasouloullah r. Mais li pas dire quand ena pou lire ça. L’endroit ki ena pou lire ça, nou trouve li dans ene hadice dans Sounan Darqutni, selon lequel نعيم المجمر (Nou’aim Al-Moujmir) fine raconté :

"صليت وراء ابى هريرة فقرأ بسم الله الرحمن الرحيم ثم قرأ بام القرآن ..."

“Mo fine faire namaz derriere (Hazrat) Abou Hourairah t. Alors li fine lire                   بسم الله الرحمن الرحيم et ensuite li fine lire “Oummul-Qour’aan” (Sourah Fatihah).”

Quand nou guette tous les trois hadices c'est-à-dire hadice Hazrat ‘Oumar t, hadice Hazrat Ali t et hadice Hazrat Abou Hourairah t ensemble, nou trouvé ki d’abord ena sana pou lire et après sana, ena pou lire اعوذ بالله ... et après ça ena pou lire                      بسم الله الرحمن الرحيم avant lire Sourah Fatihah.

Le principe concernant اعوذ بالله ... et بسم الله الرحمن الرحيم c’est lire li doucement. Hazrat Abou Wail fine rapporté :

"كان على  (رضي الله عنه) وعبد الله t لا يجهران ببسم الله الرحمن الرحيم ولا بالتعوذ ولا بالتامين" (الطبرانى)

“(Hazrat) Ali t et (Hazrat) Abdullah (Bin Mas’oud t) pas ti pé lire بسم الله الرحمن الرحيم ni اعوذ بالله ... et آمين fort à haute voix.” (Tabraani)

Position hadice :

Tous banne narrateurs dans sanad ça hadice-là zotte correcte. Necque ena ene ti kitchose ki paraite ena problème mais en réalité li pas ene problème. C'est-à-dire ena ene Rawi nomméابو سعد البقال  (Abou Sa’ad Al-Baqqaal) dans so sanad ki li ene مدلس (Moudallis).

Ene مدلس (Moudallis) c’est ene Rawi (narrateur) ki commette تدليس (Tadlees) dans rapporte ene hadice. تدليس (Tadlees) signifié rapporte ene hadice avec ene Rawi contemporain par servi ene formule ou ene façon ki donne l’impression ki li fine tanne ça hadice-là avec li mais en réalité li pas fine tanne ça avec li. Le Rawi ki donne ene l’impression pareil dans rapporte hadice li reconnaite comme ene Moudallis d’apres banne savants de hadice. Normalement quand ene Rawi ki Moudallis, li rapporte ene hadice avec la formule عن ou ene l’autre formule ki pas précisé ki li fine tanne ça hadice-là directement, alors li vine ene hadice faible selon certains savants de hadice. Selon lezot savants de hadice, ça pas considéré couma ene défaut si ça fine vine de la part ene narrateur ki trouve dans قرون ثلاثة (trois meilleur l’époques). Abou Sa’d Al-Baqqaal li ene tabei. Donc li trouve dans قرون ثلاثة. D’après ça, so “Tadlees” pas capave être considéré couma ene défaut. Donc si nou prend ça hadice-là avec la formule عن, couma li fine être rapporté dans Tabraani, là-aussi d’après le principe ki fine mentionné, li vine ene hadice valable. Mais li intéressant pou conné ki ça hadice-là fine rapporté parابو سعد البقال  (Abou Sa’d Al-Baqqaal) ki appelle  سعيد بن المرزبان(Saïd Bin Al-Marzubaan) dans Mouswannaf Ibn Abou Shaibah avec ene formule ki precisé ki li fine tanne ça avec ابو وائل (Abou Wa-ïl). C'est-à-dire selon la version de Mouswannaf Ibn Abou Shaibah, ça hadice li ene hadice valable sans aukene Tadlees.

Quant à le Rawi nommé Abou Sa’d Al-Baqqaal, li ene Rawi controversable. Ena ki fine considère li ene Rawi faible couma ena ki fine qualifié li de ene Rawi fort. Banne éminent savants de hadice couma سفيان الثورى (Sufyaan Thawri), سفيان بن عيينة (Sufyaan Bin Uyaynah) et شعبة (Shou’bah) et lezot savants de hadice fine rapporte hadice avec li. Ça li ene point assez solide pou dire ki selon ça banne-là, Abou Sa’d Al-Baqqaal ti ene Rawi correcte. Forcé-forcé nou capave dire ki li ene Rawi passable, pas moins ki ça. Donc ça hadice-là li pas moins ki ene hadice Hassan (bon/passable). Et quand analyse li à la lumière banne lezot hadices ki fine être rapporté dans le même sens, facilement li vine dans rang ene hadice Saheeh (authentique).

N.B : Pou banne details suplementaire, refere ou à chapitre “Ameen fort ou doucement”

N.B : اعوذ بالله ... et بسم الله الرحمن الرحيم et آمين c’est banne formules ki recommandé lire doucement dans tous banne namaz et pou tous catégories de Mouswalli.

Imam, Mouqtadi et Mounfarid (ene personne ki faire namaz individuellement), zotte tous ena pou suive le même principe de lire ça banne formules-là doucement.

Selon ene hadice dans Saheeh Mouslim, Hazrat Anas t dire :

صليت خلف النبى (صلى الله عليه و سلم) وابى بكر وعمر وعثمان (رضي الله عنهم) فكانوا يستفتحون بالحمد لله رب العالمين لايذكرون بسم الله الرحمن الرحيم فى اول قراءة ولا فى آخرها" (رواه  مسلم)

“Mo fine faire namaz derrière Nabi r, (Hazrat) Abou Bakr t, (Hazrat) ‘Oumar t et (Hazrat) Usmaan t. Alors zotte ti pé commencé par الحمد لله رب العالمين. Zotte pas ti pé lire بسم الله الرحمن الرحيم dans commencement Qiraat (récitation Qour’aan) ni dans so la fin.”

(Sahih Mouslim)

Explication : 

Rasouloullah r et banne Caliphes ki fine vine après li, zotte tous ti pé commence la récitation Qour’aan-e-Kareem par الحمد لله رب العالمين. Eski ça veut dire ki zotte pas ti pé lire بسم الله الرحمن الرحيم ? D’après ene hadice dans Nisaaï, Hazrat Anas t dire :

فكانوا لا يجهرون ببسم الله الرحمن الرحيم

Zotte pas ti pé lire بسم الله الرحمن الرحيم à haute voix.

Ça montré ki ti pé lire li mais doucement. Selon ene hadice dans Tabraani, Hazrat Anas t précise ça pli bien encore :

"ان رسول الله (صلى الله عليه و سلم) كان يسر ببسم الله الرحمن الرحيم وابو بكر وعمر

(رضي الله عنهم)"

“Rasouloullah r ti pé lire بسم الله الرحمن الرحيم doucement. (Hazrat) Abou Bakr t et (Hazrat) ‘Oumar t aussi ti pé faire coumsa même.”

Dans banne hadice ki dire ki zotte pas ti pé lire ça banne formules-là, signifié ki zotte pas ti pé lire ça fort. Ça pas veut dire ki zotte pas ti pé lire li meme.